Hello Doston, Bahut Dino Ke Baad Aaj Waqt Mila Hai Kuchh Naya Likhne Ko Aur Main Hazir Hun Ek Nayi Aur Manoranjak Kahani Ke Saath Jo Aap Sabhon Ko Ant Tak Baandhe Rakhegi.....
Ye Kahani 2 desh Ki Hai Jisme Ek Desh Ka Naam Gadhpindal Aur Dusre Desh Ka Naam Gadhnariyal Tha. Dono Desh Kaafi Hare Bhare Aur Khushhaal The. Dono Desh Ke Beech Mein Ek Vishal Jungle Hua Karta Tha. Jis mein kayi Tarah Ke Janwar Aur Panchhi Raha Karte The. Us Jungle Mein Ek Rakshas Aur Uski Patni Bhi Raha Karti Thi. Dono Roop Dharne Mein Mahir The Aur Roop Badal Kar Apna Shikar Dhoondte The. Fir Mauka Milte Hi Use Maar Kar Kha Jaate The.
Gadhpindal Ke Raja Ki Ek Beti Thi, Jiska Naam Rajkumari Roopshi Tha. Jo Abhi 5 Saal Ki Thi. Jabki Gadhnariyal Desh Ke Raja Ka Ek Beta Tha, Jiska Naam Rajkumar Harsh Tha. Jo 6 Saal Ka Tha. Gadhpindal Ke Raja Chahte The Ki Uski Beti Ki Shadi Gadhnariyal Ke Raja Ke Bete Se Ho. Aur Jab Dono Bade Ho Jaaye To Rajkumari Apne Sasural Chali Jaaye. Ye Soch Kar Unhone Gadhnariyal Ke Raja Ke Paas Apni Beti Ki Shaadi Ka Prastaav Bheja.
Gadhnariyal Ke Raja Ko Bhi Ye Prastaav Bahut Badhiya Laga. Dono Rajaon Ne Tay Kiya Ki Abhi In dono Ki Shadi Kar Di Jaaye Uske Baad Jab Dono Bade Ho To Unhe Sab Bata Diya Jaaye Uske Baad Hi Rajkumari Apne Sasural Jaayegi. Dono Rajaon Ki Sahmati Se Shadi Ki Tarikh Tay Ho Gayi. Dono Deshon Ke Beech Ki Doori Un Dino 4 Din Ka Tha. 2 Din Jaane Aur 2 Din Aane Mein Lagta Tha. Tay Din Dhoom Dhaam Se Rajkumar Ki Baraat Gadhpindal Ke Liye Nikli Aur Jungle Paar Karte Huye Bina Kisi Pareshani Ke Gadhpindal Pahunchi. Rajkumari Ki Shadi Ke Liye Poore Desh Ko Dulhan Ki Tarah Sajaya Gaya Tha. Tay Samay Par Shadi Ki Saari Rashmein Poori Huye. 1 Din Wahan Rukne Ke Baad Baraat Wapas Lautne Ke Liye Tayyar Huye. Usi Samay Gadhpindal Ke Raja Ne Ek Bahut Hi Sundar Ghoda Rajkumar Ko Uphaar Swaroop Diya Aur Rajkumar Ke Pita Ko Uski Khoobi Batate Huye Kaha, " Ye Koi Sadharan Ghoda Nahi Hai, Isme Anekon Shaktiyan Hain. Yah Udd Bhi Sakta Hai Aur Apne Maalik Ke Kahe Anusaar Roop Bhi Badal Sakta Hai. Iski Kayi Khoobiyan To Mujhe Ab Bhi Pata Nahi Hai. Main Chahta Hun Ki Jab Rajkumar Bada Ho To Wo Rajkumari Ko Lene Isi Ghode Par Baith Kar Aaye. Ye Kuchh Hi Ghanto Mein Rajkumar Ko Yahan Pahuncha Dega."
Uske Baad Baraat Wapas Laut Gayi. Baraat Jab Jungle Ke Karib Pahunchi To Tez Barish Hone Lagi. Is Karan Jungle Ke Kinare Thodi Doori Par Ek Unche Se TiLeh Par Padaao Dala Gaya Aur Baarish Thamne Ka Sabhi Log Intejar Karne Lage. Raat Bhi Ho Chuki Thi, Saare Sanik Mustaid The. Unhe Pata Tha Jungle Ke Khoonkhar Janwaron Aur Rakshas Ke Baare Mein. Raja Ne Bhi Aadesh De Rakha Tha Vishesh Nigrani Ka. Tabhi Andhere Mein Ek Sher Aur Sherni Unki Aur Badhte Dikhe. Sher Ne Ek Sainik Ko Daboch Liya Ye Dekhte Hi Baaki Sainikon Ne Baano Se Sher Par Hamla Kar Diya. Sher Is Achanak Huye Hamle ke Liye Tayyar Nahi Tha Is Karan Ek Saath Kayi Teer Usko Ja Lage.
Ek Dardnaak Cheekh Se Poora Vatavaran Goonj Utha. Sherni Tab Tak Surakshit Tilhe Ke Kuchh Door Upar Pahadi Tak Ja Pahunchi Thi. Rajkumar Tab Tak So Chuka Tha. Raja Apne Sainikon Ke Saath Mare Huye Sher Tak Pahuncha, Use Dekh Kar Hairani Huye Ki Sher Ka Roop Badal Gaya Tha Aur Uske Jagah Rakshas Mara Pada Tha. Raja Bahut Khush Hua Ki Chalo Ab Logon Ka Is Rakshas Se Darr Khatam Hua. Tabhi Pahadi Par Khadi Sherni Insano Jaisi Aawaz Mein Boli. " Aye Raja Abhi To Main Ja Rahi Hoon, Par Yaad Rakhna Jaise Tune Mera Suhaag Mujhse Chhina Hai, Main Bhi Wada Karti Hoon Tera Beta Agar Wapas Apni Patni Ko Lene Ke Liye Gaya To Use Mere Haathon Marne Se Koi Nahi Bacha Paayega."
Too Be Continued......
Kya Rakshasi Apna Badla Le Paai, Kya Rajkumar Harsh Rajkumari Roopshi Ko Paa Saka? In Saare Sawalon Ke Jawab Aap Sabhi ko Agle Bhaag Mein Milega.
Gadhnariyal Ke Raja Ko Bhi Ye Prastaav Bahut Badhiya Laga. Dono Rajaon Ne Tay Kiya Ki Abhi In dono Ki Shadi Kar Di Jaaye Uske Baad Jab Dono Bade Ho To Unhe Sab Bata Diya Jaaye Uske Baad Hi Rajkumari Apne Sasural Jaayegi. Dono Rajaon Ki Sahmati Se Shadi Ki Tarikh Tay Ho Gayi. Dono Deshon Ke Beech Ki Doori Un Dino 4 Din Ka Tha. 2 Din Jaane Aur 2 Din Aane Mein Lagta Tha. Tay Din Dhoom Dhaam Se Rajkumar Ki Baraat Gadhpindal Ke Liye Nikli Aur Jungle Paar Karte Huye Bina Kisi Pareshani Ke Gadhpindal Pahunchi. Rajkumari Ki Shadi Ke Liye Poore Desh Ko Dulhan Ki Tarah Sajaya Gaya Tha. Tay Samay Par Shadi Ki Saari Rashmein Poori Huye. 1 Din Wahan Rukne Ke Baad Baraat Wapas Lautne Ke Liye Tayyar Huye. Usi Samay Gadhpindal Ke Raja Ne Ek Bahut Hi Sundar Ghoda Rajkumar Ko Uphaar Swaroop Diya Aur Rajkumar Ke Pita Ko Uski Khoobi Batate Huye Kaha, " Ye Koi Sadharan Ghoda Nahi Hai, Isme Anekon Shaktiyan Hain. Yah Udd Bhi Sakta Hai Aur Apne Maalik Ke Kahe Anusaar Roop Bhi Badal Sakta Hai. Iski Kayi Khoobiyan To Mujhe Ab Bhi Pata Nahi Hai. Main Chahta Hun Ki Jab Rajkumar Bada Ho To Wo Rajkumari Ko Lene Isi Ghode Par Baith Kar Aaye. Ye Kuchh Hi Ghanto Mein Rajkumar Ko Yahan Pahuncha Dega."
Uske Baad Baraat Wapas Laut Gayi. Baraat Jab Jungle Ke Karib Pahunchi To Tez Barish Hone Lagi. Is Karan Jungle Ke Kinare Thodi Doori Par Ek Unche Se TiLeh Par Padaao Dala Gaya Aur Baarish Thamne Ka Sabhi Log Intejar Karne Lage. Raat Bhi Ho Chuki Thi, Saare Sanik Mustaid The. Unhe Pata Tha Jungle Ke Khoonkhar Janwaron Aur Rakshas Ke Baare Mein. Raja Ne Bhi Aadesh De Rakha Tha Vishesh Nigrani Ka. Tabhi Andhere Mein Ek Sher Aur Sherni Unki Aur Badhte Dikhe. Sher Ne Ek Sainik Ko Daboch Liya Ye Dekhte Hi Baaki Sainikon Ne Baano Se Sher Par Hamla Kar Diya. Sher Is Achanak Huye Hamle ke Liye Tayyar Nahi Tha Is Karan Ek Saath Kayi Teer Usko Ja Lage.
Ek Dardnaak Cheekh Se Poora Vatavaran Goonj Utha. Sherni Tab Tak Surakshit Tilhe Ke Kuchh Door Upar Pahadi Tak Ja Pahunchi Thi. Rajkumar Tab Tak So Chuka Tha. Raja Apne Sainikon Ke Saath Mare Huye Sher Tak Pahuncha, Use Dekh Kar Hairani Huye Ki Sher Ka Roop Badal Gaya Tha Aur Uske Jagah Rakshas Mara Pada Tha. Raja Bahut Khush Hua Ki Chalo Ab Logon Ka Is Rakshas Se Darr Khatam Hua. Tabhi Pahadi Par Khadi Sherni Insano Jaisi Aawaz Mein Boli. " Aye Raja Abhi To Main Ja Rahi Hoon, Par Yaad Rakhna Jaise Tune Mera Suhaag Mujhse Chhina Hai, Main Bhi Wada Karti Hoon Tera Beta Agar Wapas Apni Patni Ko Lene Ke Liye Gaya To Use Mere Haathon Marne Se Koi Nahi Bacha Paayega."
Too Be Continued......
Kya Rakshasi Apna Badla Le Paai, Kya Rajkumar Harsh Rajkumari Roopshi Ko Paa Saka? In Saare Sawalon Ke Jawab Aap Sabhi ko Agle Bhaag Mein Milega.
